نئی پالیسی کے تحت فیس بک نے بعض اکاؤنٹس اور پیجز کے لیے مونیٹائزیشن کے معیار میں نرمی کر دی ہے، جس کا مقصد زیادہ سے زیادہ تخلیق کاروں کو اپنے مواد سے مالی فوائد حاصل کرنے کا موقع فراہم کرنا ہے۔
ماضی میں مونیٹائزیشن پروگرام میں شامل ہونے کے لیے فالوورز کی بڑی تعداد، طویل واچ ٹائم اور دیگر سخت اہداف پورے کرنا ضروری تھا، جس کی وجہ سے بہت سے نئے صارفین اس سہولت سے فائدہ نہیں اٹھا پاتے تھے۔
بینظیر بھٹو کی زندگی حوصلے، قربانی اور استقامت کی مثال ہے: صدر زرداری
تازہ پالیسی کے مطابق اگر کوئی پیج یا پروفائل 28 دن کے اندر 3 لاکھ ویوز حاصل کر لے تو اسے فیس بک کے “کانٹینٹ مونیٹائزیشن ٹول” تک رسائی مل سکتی ہے، جس کے ذریعے تخلیق کار اپنے مواد سے آمدنی کما سکتے ہیں۔
ڈیجیٹل میڈیا ماہرین کا کہنا ہے کہ یہ نیا معیار پہلے کے مقابلے میں زیادہ قابلِ حصول ہے، خاص طور پر ان صارفین کے لیے جو مستقل بنیادوں پر ویڈیوز، ریلز اور دیگر دلچسپ مواد شائع کرتے ہیں۔
تاہم ماہرین نے اس بات پر زور دیا ہے کہ صرف ویوز حاصل کرنا کافی نہیں ہوگا بلکہ مونیٹائزیشن کے لیے فیس بک کی کمیونٹی گائیڈ لائنز، کاپی رائٹ قوانین اور دیگر پالیسیوں کی مکمل پابندی بھی ضروری ہوگی، جبکہ قواعد کی خلاف ورزی کی صورت میں مونیٹائزیشن کی سہولت محدود یا معطل کی جا سکتی ہے۔
نئی پالیسی کو سوشل میڈیا کریئیٹرز کے لیے ایک مثبت پیش رفت قرار دیا جا رہا ہے، جس سے چھوٹے اور ابھرتے ہوئے کانٹینٹ تخلیق کاروں کے لیے عالمی سطح پر آمدنی کے نئے دروازے کھلنے کی توقع ہے۔
واضح رہے کہ کانٹینٹ مونیٹائزیشن کے لیے چیلنج جوائن کرنے کی یہ اپڈیٹ فیس بک کے تمام پیجز یا اکاؤنٹس پر ابھی تک نافذ نہیں ہوئی۔
