وسیم اکرم اور ان کی اہلیہ شنیرا اکرم نے اپنے پالتو کتے کی گمشدگی کی اطلاع دیتے ہوئے عوام سے مدد کی اپیل کی ہے۔
وسیم اکرم اور شنیرا اکرم کے آفیشل انسٹاگرام اکاؤنٹس پر شیئر کی گئی اسٹوری کے مطابق ڈیوک نامی بلیک جرمن شیپرڈ (لانگ کوٹ) کراچی کے علاقے ڈی ایچ اے فیز 8 سے لاپتہ ہو گیا ہے۔
پہلی بار 4 سالہ حج پالیسی کا اعلان، اخراجات 12 سے 13 لاکھ روپے تجویز
اسٹوری میں بتایا گیا ہے کہ 5 ماہ عمر کا سیاہ رنگ کا یہ کتا آخری مرتبہ ڈی ایچ اے فیز 8 میں دیکھا گیا تھا۔
کتے کی بازیابی یا اس کے بارے میں قابل اعتماد اطلاع فراہم کرنے والے شخص کے لیے 2 لاکھ 50 ہزار روپے انعام مقرر کیا گیا ہے۔
وسیم اکرم اور شنیرا اکرم نے ڈی ایچ اے فیز 8 کے رہائشیوں، سیکیورٹی گارڈز اور مقامی افراد سے اپیل کی ہے کہ وہ اپنے اطراف کے پارکس، باغات، گلیوں، چھتوں اور گیراجز میں کتے کی تلاش میں تعاون کریں۔
