فیکٹری ایریا کے علاقے پنجاب سوسائٹی میں تیز رفتار کار کی موٹر سائیکل سے ٹکر کے نتیجے میں دو سکیورٹی گارڈز زخمی ہو گئے۔ حادثے کی کلوز سرکٹ فوٹیج بھی سامنے آ گئی ہے۔
پولیس کے مطابق تیز رفتاری سے آنے والی کار نے موٹر سائیکل کو ٹکر ماری، جس کے بعد گاڑی بے قابو ہو کر سڑک کنارے نصب کھمبے سے جا ٹکرائی۔ حادثے میں کار کا اگلا حصہ بری طرح متاثر ہوا۔
زخمی ہونے والے دونوں افراد پنجاب سوسائٹی کے سکیورٹی گارڈز ہیں، جنہیں فوری طبی امداد کے لیے قریبی ہسپتال منتقل کر دیا گیا۔
پولیس نے کارروائی کرتے ہوئے کار ڈرائیور کو گرفتار کر لیا ہے جبکہ مقدمہ درج کر کے مزید تفتیش جاری ہے۔
