وزیراعظم شہباز شریف سے سعودی وزیر ماحولیات، پانی و زراعت انجینئر عبدالرحمن بن عبدالمحسن الفضلی کی ملاقات ہوئی، جس میں پاکستان اور سعودی عرب کے درمیان زرعی شعبے میں تعاون، بالخصوص پاکستان سے سعودی عرب کو زرعی مصنوعات کی برآمدات بڑھانے کے امور پر تبادلہ خیال کیا گیا۔
ملاقات میں پاکستان اور سعودی عرب کے درمیان اقتصادی اور زرعی تعاون مزید بڑھانے پر اتفاق کیا گیا۔ وزیراعظم شہباز شریف نے کہا کہ دونوں ممالک کو اقتصادی اور زرعی شعبوں میں تعاون مزید فروغ دینا چاہیے۔
میر رضا قتل کیس: وعدہ ہے کسی سے خوفزدہ ہوئے بغیر کمیشن چلائیں گے، سربراہ کمیشن
وزیراعظم نے اعلان کیا کہ پاکستان کے زرعی ماہرین کا ایک وفد جلد ریاض کا دورہ کرے گا، جہاں زرعی تعاون سمیت دیگر متعلقہ امور پر مزید بات چیت کی جائے گی تاکہ دونوں ممالک کے درمیان شراکت داری کی مکمل صلاحیت سے فائدہ اٹھایا جاسکے۔
شہباز شریف نے کہا کہ پاکستان اور سعودی عرب کے درمیان گہرے برادرانہ تعلقات قائم ہیں۔ مکہ میں پاکستان، سعودی عرب اور ترکیہ کے مشترکہ دفاعی معاہدے نے تینوں ممالک کو مزید قریب لایا اور خطے میں اتحاد اور امن کا پیغام دیا۔
وزیراعظم نے کہا کہ پاکستان اور سعودی عرب اسٹریٹجک شراکت دار ہیں اور دونوں ممالک کو اقتصادی اور زرعی شعبوں میں تعاون مزید بڑھانا چاہیے۔
