جنوبی افریقا کے خلاف دوسرے ایک روزہ میچ میں ٹاس ہارنے کے بعد بھارتی ٹیم ایک روزہ کرکٹ میں مسلسل بیس ٹاس ہارنے والی پہلی ٹیم بن گئی۔
یہ سلسلہ 2023 ورلڈ کپ فائنل میں اس وقت کے کپتان روہت شرما سے شروع ہوا تھا اور گزشتہ روز کھیلے گئے میچ میں قائم مقام کپتان کے ایل راہول بھی اسی بدقسمتی کا حصہ بن گئے۔
فلم تشہیر کےلیے پانی والے بل بورڈ نے لوگوں کو حیران کردیا
بین الاقوامی خبر رساں ادارے کے مطابق رائے پور میں نہ صرف کے ایل راہول ٹاس کے حوالے سے اس سلسلے کی اگلی کڑی ثابت ہوئے بلکہ 358 رنز کے ہدف کا دفاع نہ کر پانے کی وجہ سے بھارت کو ایک ریکارڈ شکست کا بھی سامنا کرنا پڑا۔
اعداد و شمار کے مطابق مسلسل بیس ٹاس ہارنے کا یہ سلسلہ ایک ایسا واقعہ ہے جس کے امکانات دس لاکھ میں ایک سے بھی کم ہوتے ہیں۔
