فیفا فٹبال ورلڈ کپ میں ایکواڈور اور کوراساؤ کے درمیان کھیلا گیا میچ بغیر کسی نتیجے کے برابر رہا۔
گروپ ای کے اس مقابلے میں کوراساؤ کے گول کیپر نے شاندار کارکردگی کا مظاہرہ کرتے ہوئے ایکواڈور کے 15 سے زائد حملوں کو ناکام بنایا اور اپنی ٹیم کو اہم پوائنٹ دلانے میں کلیدی کردار ادا کیا۔
پہلی مرتبہ ورلڈ کپ میں شرکت کرنے والی کوراساؤ کی ٹیم نے ایونٹ میں اپنا پہلا پوائنٹ حاصل کر لیا۔ اس کے ساتھ ہی کوراساؤ کے گول کیپر نے ورلڈ کپ کے ایک میچ میں سب سے زیادہ حملے روکنے کے ریکارڈ کی بھی برابری کر دی۔
اس ڈرا کے بعد ناک آؤٹ مرحلے میں رسائی کے لیے دونوں ٹیموں کو اپنے اپنے آخری گروپ میچ جیتنا ہوں گے۔
ایکواڈور اپنی گروپ مرحلے کی آخری ملاقات میں جرمنی کا سامنا کرے گا، جبکہ کوراساؤ کی ٹیم اپنے آخری میچ میں آئیوری کوسٹ کے مدمقابل ہوگی۔
