فیفا ورلڈکپ 2026 میں مصر اور بیلجیئم کا میچ برابر ہوگیا۔
فیفا ورلڈ کپ 2026 کے گروپ جی کے افتتاحی میچ میں بیلجیئم اور مصر کے درمیان مقابلہ 1-1 گول سے برابر رہا۔
میچ میں پہلے مصر نے برتری حاصل کی۔ امام عاشور نے 20ویں منٹ میں گول کرکے اپنی ٹیم کو سبقت دلائی، تاہم بیلجیئم نے اون گول کی بدولت مقابلہ برابر کر دیا۔
برطانیہ میں 16 سال سے کم عمر بچوں کے سوشل میڈیا استعمال پر پابندی لگانے کا اعلان
مصر نے دفاعی طور پر منظم کھیل پیش کیا اور تیز رفتار جوابی حملوں پر انحصار کیا۔ مصر نے مجموعی طور پر 3 شاٹس لگائے، جن میں سے ایک امام عاشور کے گول کی صورت میں کامیاب رہا، جبکہ عمر مرموش کی ایک کوشش ڈیفلیکٹ ہو کر باہر چلی گئی۔
محمد صلاح، جو اپنے 34ویں یومِ پیدائش پر کوچ حسام حسن کی جانب سے مرکزی پوزیشن پر کھلائے گئے، نے امام عاشور کو شاندار پاس دیا، جس پر عاشور نے 20 گز کے فاصلے سے طاقتور شاٹ لگا کر مصر کو برتری دلائی۔
بیلجیئم کے کوچ نے 66ویں منٹ میں اسٹرائیکر رومیلو لوکاکو کو میدان میں اتارا۔ لوکاکو نے صرف 28 سیکنڈ بعد ہی اثر دکھایا۔
تھامس میونیئر کے کراس پر لوکاکو نے دو ڈیفنڈرز کے درمیان جگہ بنائی، جس کے نتیجے میں مصری ڈیفنڈر محمد ہنی سے اون گول ہوگیا اور اسکور 1-1 سے برابر ہوگیا۔
یوں مصر ورلڈ کپ کے اپنے افتتاحی میچ میں فتح حاصل کرنے سے محروم رہا۔
