**آسٹریلیا کے خلاف ٹی20 سیریز کے ٹکٹ 16 جنوری سے فروخت کے لیے دستیاب ہوں گے**
لاہور: پاکستان اور آسٹریلیا کے درمیان ہونے والی تین میچوں کی ٹی20 سیریز کے ٹکٹوں کی فرواخت اگلے ہفتے سے شروع ہو جائے گی۔ پاکستان کرکٹ بورڈ (پی سی بی) کے مطابق آن لائن ٹکٹیں **16 جنوری (جمعہ)** سے جبکہ فزیکل ٹکٹیں **19 جنوری (پیر)** سے ملک بھر کے ٹی سی ایس ایکسپریس سینٹرز پر دستیاب ہوں گی۔
مبینہ کرپشن کیس میں پرویز الہی سمیت دیگر ملزمان پر فرد جرم عائد
یہ سیریز **29 جنوری** سے قذافی اسٹیڈیم، لاہور میں شروع ہوگی۔ دوسرا اور تیسرا میچ بالترتیب **31 جنوری** اور **یکم فروری** کو کھیلا جائے گا۔ تمام میچز شام 6:00 بجے شروع ہوں گے۔
ٹکٹوں کی قیمتیں مختلف زونز کے لحاظ سے 400 روپے سے لے کر 25,000 روپے فی سیٹ تک رکھی گئی ہیں۔ وی آئی پی انکلوژر کا ٹکٹ پہلے میچ میں 800 روپے جبکہ باقی دو میچوں میں 1,000 روپے میں ملے گا۔ ہاسپیٹیلٹی باکس کی فی سیٹ قیمت پہلے میچ میں 20,000 روپے اور بعد کے میچوں میں 25,000 روپے مقرر کی گئی ہے۔
یہ دورہ آسٹریلیا کا پاکستان کا تیسرا دورہ ہوگا اور دونوں ٹیموں کے لیے آئندہ سال ہونے والے آئی سی سی ٹی20 ورلڈ کپ 2026 کی تیاری کا اہم حصہ سمجھا جا رہا ہے۔
