فیفا ورلڈ کپ 2026 کے لیے تمام 48 ٹیموں کے اسکواڈز حتمی شکل اختیار کر چکے ہیں اور ٹورنامنٹ میں مجموعی طور پر 1248 کھلاڑی حصہ لیں گے۔
دنیا کے سب سے بڑے فٹبال مقابلے کا آغاز 12 جون سے ہوگا، جس کی مشترکہ میزبانی امریکا، میکسیکو اور کینیڈا کر رہے ہیں۔
ایران سے کہا ہے اب وقت آگیا ہے کسی نہ کسی طرح معاہدہ کرلیں: ٹرمپ
یہ تاریخ کا پہلا فیفا ورلڈ کپ ہے جس میں 48 ٹیمیں شریک ہوں گی۔ تمام ٹیموں کو 12 گروپس میں تقسیم کیا گیا ہے اور ہر گروپ میں 4 ٹیمیں شامل ہیں۔ ٹورنامنٹ کے دوران مجموعی طور پر 104 میچز کھیلے جائیں گے۔
رواں ایونٹ میں شامل 1248 کھلاڑیوں میں سے 357 ایسے ہیں جو اس سے قبل بھی فیفا ورلڈ کپ میں شرکت کر چکے ہیں، جبکہ 891 کھلاڑی پہلی مرتبہ ورلڈ کپ کا حصہ بنیں گے۔
Lionel Messi، Cristiano Ronaldo اور Guillermo Ochoa اپنے کیریئر کا چھٹا ورلڈ کپ کھیلنے کے لیے تیار ہیں، جو ایک منفرد اعزاز سمجھا جاتا ہے۔
Cape Verde، Curaçao، Jordan اور Uzbekistan پہلی بار فیفا ورلڈ کپ میں شرکت کر رہے ہیں۔
ٹورنامنٹ میں شامل سب سے کم عمر کھلاڑی کی عمر 17 سال جبکہ سب سے معمر کھلاڑی کی عمر 43 سال ہے۔ ایونٹ میں 40 سال سے زائد عمر کے 7 کھلاڑی شریک ہیں، جبکہ 20 سال سے کم عمر کے 22 نوجوان فٹبالرز بھی اپنی صلاحیتوں کا مظاہرہ کریں گے۔
48 ٹیموں، 1248 کھلاڑیوں اور 104 میچز کے ساتھ فیفا ورلڈ کپ 2026 تاریخ کا سب سے بڑا فٹبال عالمی مقابلہ بن گیا ہے۔
