**پنجاب بھر میں گندم کی قیمتوں میں 700 روپے فی من تک اضافہ**
لاہور سمیت پنجاب کے مختلف شہروں میں گندم کی قیمتوں میں تیزی سے اضافہ دیکھا جا رہا ہے۔ گذشتہ دس روز کے دوران فی من گندم کی قیمت 3,700 روپے سے بڑھ کر 4,400 روپے تک پہنچ گئی ہے، جو کئی علاقوں میں اس سے بھی زیادہ ہے۔
انٹرنیٹ بندش سے متعلق خبریں بے بنیاد اور غلط ہیں، پی ٹی اے
**شہر کے لحاظ سے گندم کے موجودہ ریٹ:**
* راولپنڈی: 4,800 روپے فی من
* لاہور: 4,450 روپے فی من
* گوجرانوالہ اور گجرات: 4,500 روپے فی من
* ملتان: 4,450 روپے فی من
* بہاولپور اور ڈیرہ غازی خان: 4,400 روپے فی من
* اسلام آباد: 4,400 روپے فی من
لاہور کے کئی علاقوں میں 10 اور 20 کلوگرام کے سستے آٹے کے تھیلے نایاب ہو گئے ہیں۔ تاہم ڈی ڈی فوڈ کے محکمہ خوراک نے کہا ہے کہ آٹے کی کوئی قلت نہیں ہے اور مارکیٹ میں کافی مقدار دستیاب ہے۔ محکمے کے مطابق 10 اور 20 کلوگرام کے تھیلے دکانوں پر آسانی سے مل رہے ہیں۔
ذرائع کے مطابق، 15 کلوگرام آٹے کا تھیلا جو پہلے 1,500 روپے میں ملتا تھا، اب 1,750 روپے میں فروخت ہو رہا ہے۔ مرکزی چیرمین فلور ملز ایسوسی ایشن نے گندم کی قیمتوں میں اضافے کی بنیادی وجہ گندم کی مارکیٹ میں قلت کو قرار دیا ہے۔
