پاکستان کرکٹ بورڈ (پی سی بی) نے نیشنل کرکٹ اسٹیڈیم کراچی کی ازسرِ نو تعمیر اور اپگریڈیشن کا فیصلہ کر لیا ہے۔
ذرائع کے مطابق آئندہ ماہ سے نیشنل اسٹیڈیم میں تعمیراتی کام کا باقاعدہ آغاز کیا جائے گا، جس کے تحت تمام پرانے اسٹینڈز کو گرا کر جدید انداز میں دوبارہ تعمیر کیا جائے گا۔ اسٹیڈیم کے بیرونی حصے سے جنگلے ہٹا دیے جائیں گے تاکہ ناظرین کو بہتر ویو حاصل ہو سکے، جبکہ انکلوژرز کا ڈیزائن قذافی اسٹیڈیم لاہور سے مماثلت رکھے گا۔
بہتر نیند کے لیے فائدہ مند دیسی غذائیں
ذرائع نے بتایا کہ قذافی اسٹیڈیم میں چھتوں کی تنصیب بعد میں مکمل کی جائے گی۔ مزید کہا گیا ہے کہ پی سی بی، سی ڈی اے کے تعاون سے اسلام آباد میں ایک نیا کرکٹ اسٹیڈیم بھی تعمیر کر رہا ہے، جس کا انتظامی کنٹرول سی ڈی اے کے پاس ہوگا۔
پی سی بی کو اسلام آباد کے نئے اسٹیڈیم میں بین الاقوامی اور ڈومیسٹک میچز کے انعقاد کی اجازت حاصل ہوگی۔
واضح رہے کہ پی سی بی نے لاہور، کراچی اور راولپنڈی کے اسٹیڈیمز کی اپگریڈیشن کے لیے 18 ارب روپے مختص کیے تھے، جن میں سے پہلے مرحلے میں ساڑھے دس ارب روپے تعمیراتی کاموں پر خرچ کیے جا چکے ہیں۔
