ملاقات کے دوران ملک کی مجموعی معاشی صورتحال، کاروبار اور تجارت کے فروغ، صنعتوں کو درپیش مسائل اور کاروباری برادری کو سہولیات فراہم کرنے سے متعلق امور پر تبادلہ خیال کیا گیا۔
وزیراعظم شہباز شریف نے ملکی معیشت کی ترقی اور استحکام میں کاروباری برادری کے اہم کردار کو سراہتے ہوئے کہا کہ حکومت نجی شعبے کے ساتھ مل کر معاشی سرگرمیوں کو فروغ دینے اور کاروبار کے لیے سازگار ماحول فراہم کرنے کے لیے کوشاں ہے۔
امریکا اور اسرائیل کی جارحیت پورے خطے کو لپیٹ میں لے سکتی ہے، پاسداران انقلاب
ملاقات میں کاروبار اور صنعت کے فروغ، سرمایہ کاری میں اضافے اور تجارتی سرگرمیوں کو وسعت دینے کے لیے باہمی تعاون کی اہمیت پر بھی زور دیا گیا۔
وفد نے وزیراعظم کو کاروباری برادری کو درپیش مسائل اور اپنی تجاویز سے آگاہ کیا، جبکہ حکومت کی معاشی پالیسیوں اور سرمایہ کار دوست اقدامات کو سراہا۔
گفتگو کے دوران وفد نے لاہور چیمبر آف کامرس کے صدر کی حیثیت سے وزیراعظم شہباز شریف کی خدمات کا بھی تذکرہ کیا۔
ملاقات میں وفاقی وزیر قانون و انصاف سینیٹر اعظم نذیر تارڑ، وفاقی وزیر اطلاعات و نشریات عطا اللہ تارڑ اور وفاقی وزیر پیٹرولیم علی پرویز ملک بھی موجود تھے۔
چیمبر کے وفد میں میاں مصباح الرحمٰن، فاروق افتخار، شیخ محمد آصف، شہزاد ملک، الماس حیدر، شاہد حسن شیخ، عبدالباسط، میاں طارق مصباح، کاشف انور شیخ اور میاں خالد مصباح شامل تھے۔
