خطے میں کشیدہ صورتحال کے اثرات پاکستان پر بھی ظاہر ہونا شروع ہو گئے ہیں، اور ملک میں مارچ کے دوران مہنگائی 19 ماہ کی بلند ترین سطح تک پہنچ گئی ہے۔
Pakistan Bureau of Statistics نے مہنگائی سے متعلق اپنی ماہانہ رپورٹ جاری کر دی ہے۔
رپورٹ کے مطابق فروری کے مقابلے میں مارچ کے مہینے میں مہنگائی کی شرح میں 1.18 فیصد اضافہ ریکارڈ کیا گیا۔ مارچ 2026 میں مہنگائی کی سالانہ شرح 7.30 فیصد تک پہنچ گئی، جو اگست 2024 کے بعد سب سے زیادہ سطح ہے۔
ایران جنگ ہماری نہیں، کسی صورت اس میں شامل نہیں ہوں گے: برطانوی وزیراعظم کا ایک بار پھر دو ٹوک اعلان
رپورٹ میں مزید بتایا گیا ہے کہ رواں مالی سال کے پہلے نو ماہ، یعنی جولائی 2025 سے مارچ 2026 تک، اوسط مہنگائی کی شرح 5.67 فیصد رہی۔
اعداد و شمار کے مطابق فروری 2026 میں مہنگائی کی سالانہ شرح 6.98 فیصد تھی، جبکہ مارچ 2025 میں یہ شرح 0.7 فیصد ریکارڈ کی گئی تھی۔
گزشتہ ماہ دیہی علاقوں میں ماہانہ بنیاد پر مہنگائی کی شرح میں 0.96 فیصد اضافہ ہوا، جبکہ شہری علاقوں میں یہ اضافہ 1.34 فیصد رہا۔ اسی طرح دیہی علاقوں میں سالانہ مہنگائی کی شرح 7.17 فیصد تک پہنچ گئی، جبکہ شہری علاقوں میں یہ شرح 7.39 فیصد ریکارڈ کی گئی۔
یہ بھی واضح کیا گیا ہے کہ مارچ کے لیے Ministry of Finance Pakistan نے مہنگائی کی شرح کا تخمینہ 7.5 فیصد سے 8.5 فیصد کے درمیان لگایا تھا۔
