سندھ میں گھوٹکی کے قریب لاہور سے کراچی جانے والی پاک بزنس ٹرین کے سات بوگیاں انجن سے الگ ہو گئیں۔
ریلوے ذرائع کے مطابق لاہور سے کراچی روانہ ہونے والی ٹرین کی بوگیاں الگ ہوگئیں اور انجن بوگیوں کو چھوڑ کر کئی کلومیٹر آگے نکل گیا۔
واقعہ محمد پور کے قریب پیش آیا، جہاں ٹرین دو حصوں میں تقسیم ہوگئی۔ بوگیوں کے الگ ہونے کے چار گھنٹے گزرنے کے باوجود امدادی ٹیم موقع پر نہیں پہنچ سکی۔
ریلوے حکام کا کہنا ہے کہ مرمتی کام مکمل ہونے کے بعد ٹرین دوبارہ روانہ کی جائے گی اور مرمتی ٹیم کام کے لیے روانہ کر دی گئی ہے۔
