لاہور — یورپی یونین اور گلوبل واٹر آپریٹر الائنس نے واسا لاہور کو بین الاقوامی سطح پر بطور ٹرینر منتخب کر لیا ہے، جس کے بعد واسا لاہور نے ایک اور عالمی سنگ میل عبور کر لیا ہے۔
جرمنی کے شہر بون میں گلوبل واٹر آپریٹر پارٹنرشپ کے زیر اہتمام ہونے والی کانفرنس میں ڈائریکٹر مدثر جاوید نے واسا لاہور کا کامیاب ماڈل پیش کیا، جسے بین الاقوامی سطح پر سراہا گیا۔ اس موقع پر واسا لاہور کو باضابطہ طور پر بطور "مینٹور یوٹیلیٹی” گلوبل واٹر آپریٹرز پارٹنرشپ پروگرام، یو این ہیبیٹیٹ اور یورپی یونین کے فنڈڈ منصوبے میں رجسٹر کیا گیا۔
اسلام آباد ہائیکورٹ کا جھوٹے مقدمات بنانے میں ملوث پولیس اہلکاروں کیخلاف تحقیقات کا حکم
رپورٹ کے مطابق واسا لاہور کا کامیاب سروس ماڈل آئندہ مرحلے میں پاکستان کے دیگر شہروں میں منتقل کیا جائے گا تاکہ شہری خدمات کے معیار کو بہتر بنایا جا سکے۔ ادارہ دیگر یوٹیلیٹیز کو آئی ٹی اصلاحات، کسٹمر سروسز، نان ریونیو واٹر مینجمنٹ اور بلنگ کے شعبوں میں جدید تربیت فراہم کرے گا۔
عالمی فورم پر واسا لاہور کی اس کامیابی کو پاکستان کے لیے ایک مثبت پیش رفت قرار دیا جا رہا ہے جو بین الاقوامی سطح پر شہری خدمات کے شعبے میں ملک کی ساکھ کو مضبوط کرے گی۔
