**کراچی(نیوز ڈیسک) قطر امیری بحریہ کے جہاز "الخور” نے دو طرفہ مشق "اسد البحر” میں شرکت کے لیے کراچی کا دورہ کیا۔ جہاز کی آمد پر پاک بحریہ کے افسران اور جوانوں نے قطری جہاز کا گرم جوشی سے استقبال کیا۔
دورے کے دوران، قطری بحری جہاز کے کمانڈنگ آفیسر نے مزار قائد پر حاضری دی، جہاں انہوں نے قائد اعظم محمد علی جناح کو خراج تحسین پیش کیا۔ اس کے بعد، انہوں نے کمانڈر پاکستان فلیٹ وائس ایڈمرل فیصل عباسی سے ملاقات کی۔ ملاقات کے دوران، کمانڈنگ آفیسر نے خطے میں امن و سلامتی کے فروغ میں پاک بحریہ کی کوششوں کی تعریف کی اور باہمی دلچسپی کے موضوعات پر تبادلہ خیال کیا۔
قطری جہاز اپنے قیام کے دوران "اسد البحر” مشق اور مشترکہ تربیت میں حصہ لے گا، جو دونوں ممالک کے دفاعی تعلقات کو مزید مضبوط کرنے کا موقع فراہم کرے گی۔یہ دورہ پاکستان اور قطر کے درمیان مضبوط سفارتی تعلقات کی عکاسی کرتا ہے اور دونوں ملکوں کے دفاعی تعاون میں نئی راہیں ہموار کرنے کی امید رکھتا ہے۔
مولانا فضل الرحمان سے شاہد آفریدی کی ملاقات،کیا بات چیت ہوئی ؟ جانیں
