ایرانی خبر ایجنسی کے مطابق عملے کے ارکان سیستان اور بلوچستان کے رمدان بارڈر ٹرمینل کے ذریعے ایران کی حدود میں داخل ہوئے۔
امریکا نے ایران کے ساتھ اعتماد سازی کے اقدام کے طور پر تحویل میں لیے گئے جہاز توسکا کے 22 ارکان پاکستان کے حوالے کیے تھے۔
امریکی حکام کے مطابق گزشتہ ہفتے عملے کے 6 افراد کو پہلے ہی واپسی کے لیے خطے کے ایک ملک کے حوالے کر دیا گیا تھا۔
یاد رہے کہ ایرانی جہاز توسکا کو امریکی ناکا بندی کی خلاف ورزی پر امریکی حکام نے اپنی تحویل میں لے لیا تھا۔
