ٹی 20 ورلڈ کپ میں پاکستان کے بھارت کیخلاف میچ کا بائیکاٹ کرنے سے بھارتی براڈ کاسٹرز کو بھاری نقصان کا خدشہ ہے۔
رپورٹ کے مطابق پاکستان کے بھارت کے خلاف میچ نہ کھیلنے سے بھارتی براڈ کاسٹرز کو تقریباً 500 ملین ڈالر (141 ارب روپے ) نقصان ہونے کا خدشہ ہے جبکہ میچ کی گیٹ منی سے آئی سی سی کو لاکھوں ڈالر کا نقصان ہو سکتا ہے۔
محتاط اندازے کے مطابق ٹی ٹوئنٹی ورلڈ کپ سے ہونیوالی آمدنی کا نصف پاک بھارت میچ سے ملتا ہے۔ پاکستان کو ہر سال آئی سی سی سے 35 ملین ڈالر کا شیئر ملتا ہے۔ براڈ کاسٹرز کے نقصان کے بعد پی سی بی کیخلاف آئی سی سی کی جانب سے قانونی چارہ جوئی کی جا سکتی ہے۔
بھارت کے خلاف میچ نہ کھیلنے کے باوجود پاکستان کے دوسرے راؤنڈ میں کوالیفائی کرنے کے امکانات روشن ہیں۔
