وزیراعلیٰ پنجاب مریم نواز نے ون ڈے ٹرائی اینگلر سیریز کا فائنل جیتنے پر قومی کرکٹ ٹیم کو مبارکباد دیتے ہوئے خوشی کا اظہار کیا ہے۔
وزیراعلیٰ مریم نواز نے فائنل میں شاندار سنچری اسکور کرنے پر اوپنر فخر زمان کو خصوصی خراج تحسین پیش کیا۔
ان کا کہنا تھا کہ قومی ٹیم نے چیمپئنز کی طرح بہترین کھیل پیش کرکے شائقین کے دل جیت لیے۔
مریم نواز نے کہا کہ پاکستانی ٹیم کی کامیابی پوری قوم کے لیے خوشی کا باعث ہے، قومی کھلاڑیوں نے بہترین کارکردگی کا مظاہرہ کرکے ملک کا نام روشن کیا۔
