ملک بھر میں سونے کی قیمت میں بڑی کمی ریکارڈ کی گئی ہے۔
آل پاکستان صرافہ ایسوسی ایشن کے مطابق فی تولہ سونے کی قیمت میں 10 ہزار 800 روپے کی کمی کے بعد نئی قیمت 4 لاکھ 9 ہزار 736 روپے ہو گئی ہے۔
اسی طرح 10 گرام سونے کی قیمت میں 8 ہزار 467 روپے کی کمی ہوئی ہے جس کے بعد 10 گرام سونے کی نئی قیمت 3 لاکھ 22 ہزار 20 روپے پر آ گئی ہے۔
گزشتہ روز بھی سونے کی فی تولہ قیمت میں 5 ہزار 100 روپے کی کمی ہوئی تھی، رواں ہفتے مجموعی طور پر سونے کی قیمت میں نمایاں کمی دیکھی گئی ہے۔
