کراچی: لیاری گینگ وار کے سرغنہ عزیر بلوچ کیخلاف ایک اور مقدمے کا فیصلہ محفوظ

کراچی میں جوڈیشل مجسٹریٹ کی عدالت نے لیاری گینگ وار کے سرغنہ عزیر بلوچ کے خلاف غیر قانونی اسلحہ برآمدگی اور ملزمان کی سہولت کاری کے کیس کا فیصلہ محفوظ کرلیا ہے۔ مقدمے کا فیصلہ 29 اکتوبر کو سنائے جانے کا امکان ہے۔

چھاتی کے سرطان سے آگاہی، پاکستان ٹیم پہلے ٹی ٹوئنٹی میں گلابی کٹ پہنے گی

پولیس کے مطابق مفرور ملزمان شمس الدین اور عبدالغفار بگٹی نے اپنے اقبالی بیانات میں بتایا تھا کہ عزیر بلوچ اور نور محمد عرف بابا لاڈلا نے اسلحے کی ترسیل میں مدد فراہم کی تھی۔ ان بیانات کی بنیاد پر عزیر بلوچ کے خلاف دفعہ 109 کے تحت مقدمہ درج کیا گیا۔ پولیس کے مطابق ملزمان کے قبضے سے بارود اور گولیاں بھی برآمد ہوئی تھیں۔

یہ مقدمہ 2012 میں تھانہ سی آئی ڈی میں درج کیا گیا تھا، جب کہ محکمہ داخلہ سندھ کے مطابق عزیر بلوچ، بابا لاڈلا اور تاج الدین سنگین جرائم میں قانون نافذ کرنے والے اداروں کو مطلوب ہیں۔