امریکی محکمہ خارجہ نے ایران کے اعلیٰ فوجی اور انٹیلی جنس عہدیداروں کے بارے میں معلومات فراہم کرنے والوں کے لیے 10 ملین ڈالر تک کے انعام کا اعلان کیا ہے۔
سکیورٹی فورسز نے افغان دہشتگردوں کے ڈرون حملے ناکام بنادیے
‘ریوارڈز فار جسٹس’ پروگرام کے تحت جاری کردہ اس اعلان میں ایران کے نئے سپریم لیڈر آیت اللہ مجتبیٰ خامنہ ای سمیت دس اہم شخصیات کو شامل کیا گیا ہے ۔ ان میں علی اصغر حجازی (سپریم لیڈر کے دفتر میں ڈپٹی چیف آف اسٹاف)، علی لاریجانی (قومی سلامتی کونسل کے سربراہ)، یحییٰ رحیم صفوی (سپریم لیڈر کے فوجی مشیر)، اسکندر مومنی (وزیر داخلہ) اور اسماعیل خطیب (وزیر اطلاعات) شامل ہیں ۔
امریکی محکمہ خارجہ کے مطابق یہ افراد ایران کے اسلامی انقلابی گارڈز کور (IRGC) کے مختلف حصوں کی قیادت اور ہدایت کاری کرتے ہیں، جس پر دنیا بھر میں دہشت گردی کی منصوبہ بندی اور اس پر عملدرآمد کا الزام ہے ۔ قابل اطلاق معلومات فراہم کرنے والے نہ صرف انعام کے اہل ہو سکتے ہیں بلکہ ان کی تنظیم نو میں بھی مدد کی جا سکتی ہے ۔
دلچسپ بات یہ ہے کہ اس فہرست میں چار ایسے عہدے بھی شامل ہیں جن کے موجودہ عہدیداروں کے نام ظاہر نہیں کیے گئے، جن میں آئی آر جی سی کے کمانڈر انچیف اور سپریم ڈیفنس کونسل کے سیکرٹری شامل ہیں ۔
