تل ابیب(نیوزڈیسک)اسرائیل نے غزہ میں انسداد پولیو مہم کے لیے جنگ بندی میں 3 روزہ عارضی وقفوں پراتفاق کیا ہے۔
عالمی ادارۂ صحت کا کہنا ہے وسطی غزہ میں انسداد پولیومہم کا آغاز یکم ستمبر اتوار سے کیا جائے گا۔ وسطی غزہ کے بعد جنوبی اور شمالی غزہ میں انسداد پولیو مہم جاری رہے گی۔
پولیو ویکسینیشن مہم کے دوران غزہ جنگ میں انسانی بنیادوں پر وقفہ ہو گا، اسرائیل انسدادِ پولیو مہم کے لیے صبح 6 سے سہ پہر 3 بجے تک کے وقفے پر راضی ہوا ہے۔
مزید پڑھیں:اسرائیلی رکن پارلیمان بھی فلسطینیوں کے حق میں بول پڑے
دوسری جانب حماس نے انسانی بنیادوں پر جنگ بندی کو خوش آئند قرار دیا ہے۔تنظیم کے ایک رہنما باسم نعیم کا کہنا ہے کہ حماس بچوں کی پولیو ویکسین مہم پر عمل درآمد کے لیے اقوام متحدہ کی جانب سے انسانی بنیادوں پر جنگ بندی کے مطالبے کا خیر مقدم کرتی ہے۔ان کا کہنا ہے کہ اس سلسلے میں حماس بین الاقوامی تنظیموں کے ساتھ تعاون کے لیے تیار ہے۔
