فیفا ورلڈ کپ 2026: بیلجیئم نے سنسنی خیز مقابلے میں سینیگال کو شکست دے کر پری کوارٹر فائنل میں جگہ بنا لی
2026 FIFA World Cup کے راؤنڈ آف 32 کے ایک سنسنی خیز ناک آؤٹ مقابلے میں Belgium نے Senegal کو 2 کے مقابلے میں 3 گول سے شکست دے کر پری کوارٹر فائنل کے لیے کوالیفائی کر لیا۔
مون سون سے نمٹنے کیلئے ادارے مکمل ہم آہنگی سے کام کریں: وزیراعظم
سیٹل میں کھیلے گئے اس دلچسپ میچ میں دونوں ٹیموں کے درمیان کانٹے دار مقابلہ دیکھنے میں آیا۔ مقررہ وقت اور اضافی وقت کے پہلے ہاف کے اختتام تک دونوں ٹیمیں 2-2 گول سے برابر تھیں، جس کے باعث میچ انتہائی سنسنی خیز مرحلے میں داخل ہو گیا۔
تاہم اضافی وقت کے آخری لمحات میں بیلجیئم کو ایک اہم پنالٹی کک ملی، جس پر مڈفیلڈر Youri Tielemans نے کامیابی سے گول اسکور کرکے اپنی ٹیم کو 3-2 کی برتری دلا دی۔
فیصلہ کن گول کے بعد سینیگال کو واپسی کا موقع نہ مل سکا اور ریفری کی آخری سیٹی کے ساتھ ہی بیلجیئم نے میچ اپنے نام کرتے ہوئے ورلڈ کپ کے پری کوارٹر فائنل میں جگہ بنا لی۔
اس کامیابی کے بعد بیلجیئم کی ٹیم اگلے مرحلے میں مزید مضبوط حریفوں کا سامنا کرے گی، جبکہ سینیگال کا ورلڈ کپ میں سفر اختتام پذیر ہو گیا۔
