پاکستان کرکٹ ٹیم کے کپتان سلمان علی آغا نے ایک اور شاندار سنگِ میل اپنے نام کر لیا ہے۔ انہوں نے ٹی ٹوئنٹی انٹرنیشنل کرکٹ میں پاکستان کی جانب سے بطور کپتان تیز ترین نصف سنچری بنانے والوں کی فہرست میں دوسری پوزیشن حاصل کر لی ہے۔
اعداد و شمار کے مطابق سلمان علی آغا نے 25 گیندوں پر اپنی نصف سنچری مکمل کی، جو پاکستان کے کسی بھی کپتان کی جانب سے دوسری تیز ترین ففٹی ہے۔ یہ کارنامہ انہوں نے آسٹریلیا کے خلاف لاہور میں کھیلے گئے میچ کے دوران انجام دیا۔
