سعودی عرب کی وزارتِ حج و عمرہ نے عمرہ ویزا پالیسی میں اہم تبدیلی کرتے ہوئے اعلان کیا ہے کہ اب عمرہ ویزا حاصل کرنے کے بعد 30 دن کے اندر سعودی عرب کا سفر لازمی ہو گا۔ مقررہ مدت کے دوران سفر نہ کرنے کی صورت میں ویزا خود بخود منسوخ ہو جائے گا۔
وفاقی ملازمین کیلئے خوشخبری ، ہاؤس رینٹ سیلنگ میں 85 فیصد اضافے کی منظوری
پہلے یہ مدت تین ماہ مقرر تھی، جسے اب کم کر کے ایک ماہ کر دیا گیا ہے۔ تاہم سعودی عرب میں داخل ہونے کے بعد زائرین کو تین ماہ تک قیام کی اجازت بدستور حاصل رہے گی۔
سعودی قومی کمیٹی برائے عمرہ کے مشیر احمد با جیفر کے مطابق نئے ضوابط آئندہ ہفتے سے نافذ العمل ہوں گے۔ ان کا کہنا تھا کہ یہ فیصلہ عمرہ زائرین کی بڑھتی ہوئی تعداد کے پیش نظر کیا گیا ہے تاکہ ویزا نظام کو زیادہ منظم اور مؤثر بنایا جا سکے۔
عرب نیوز کی رپورٹ کے مطابق رواں سال جون سے اب تک دنیا بھر سے 40 لاکھ سے زائد عمرہ زائرین کے لیے ویزے جاری کیے جا چکے ہیں، جو گزشتہ برسوں کے مقابلے میں نمایاں اضافہ ہے۔
