لاہور: پاکستان ریلوے نے لاہور اور راولپنڈی کے درمیان چلنے والی ریل کار ٹرینوں کے کرایوں میں اضافہ کر دیا ہے۔
ترجمان پاکستان ریلوے کے مطابق، ریل کار سبک خرام اور ریل کار سبک رفتار کے کرایوں میں 150 سے 250 روپے تک اضافہ کیا گیا ہے، جو آج سے نافذ العمل ہوگا۔
ترجمان نے بتایا کہ کرایوں میں اضافے کے ساتھ مسافروں کو ریفریشمنٹ بھی فراہم کی جائے گی۔
نئے کرایوں کے مطابق:
اے سی پارلر کا کرایہ 2500 روپے،
اے سی بزنس کا کرایہ 2250 روپے،
اے سی اسٹینڈرڈ کا کرایہ 2100 روپے،
اور اکانومی کلاس کا کرایہ 1300 روپے مقرر کیا گیا ہے۔
ترجمان کے مطابق، کرایوں میں یہ اضافہ خدمات کے معیار میں بہتری اور مسافروں کے آرام و سہولت کو مدِنظر رکھتے ہوئے کیا گیا ہے۔
