لاہور (نمائندہ خصوصی) لاہور ہائیکورٹ میں گندم سکینڈل کی نیب سے تحقیقات کرانے کیلئے درخواست دائر کر دی گئی۔
درخواست شہری مشکور نے ایڈووکیٹ ندیم سرور کے ذریعے دائر کی جس میں استدعا کی گئی کہ نیب کو گندم میگا اسکینڈل کی تحقیقات کا حکم دیا جائے۔
درخواست میں کہا گیا کہ حکومتی سطح پر بنائی گئی کمیٹی شفاف تحقیقات نہیں کر سکتی، حکومت خود گندم سکینڈل کا حصہ ہے، میرٹ پر تحقیقات ممکن نہیں۔
درخواست گزار نے مزید کہا کہ مسلم لیگ ن کی حکومت کے پہلے 2 ماہ میں 7.78 لاکھ میٹرک ٹن گندم درآمد کی گئی۔
درخواست میں وزیراعظم کے ذریعے پرنسپل سیکرٹری، سابق نگراں وزیراعظم، نیب اور وفاقی حکومت کو فریق بنایا گیا
