امریکا میں ایک خاندان کے پالتو کاکٹیل نے اپنی نسل کے سب سے معمر طوطے کا گینیز ورلڈ ریکارڈ حاصل کر لیا۔
سونی نامی اس کاکٹیل نے 32 برس اور 292 دن کی عمر میں یہ ریکارڈ حاصل کیا، جس کی تصدیق اکتوبر 2025 میں کی گئی تھی، اور گزشتہ ماہ کی 10 تاریخ کو اس نے اپنی 33 ویں سالگرہ منائی۔
امریکی ریاست الِینوائے سے تعلق رکھنے والی کاکٹیل کی مالکن جینیٹ ریچر کا کہنا تھا کہ سونی 1993 میں ان کے خاندان کا حصہ بنا، اس وقت وہ صرف چند ہفتوں کا تھا۔
انہوں نے بتایا کہ شروع میں سونی کا ذخیرہ الفاظ زیادہ تھا، لیکن اب وہ صرف چند الفاظ استعمال کرتا ہے۔
