لاہور: لاہور ہائی کورٹ نے بانی چیئرمین پی ٹی آئی عمران خان کی اپنے خلاف درج تمام مقدمات کو یکجا کرنے کی درخواست عدم پیروی کی بنیاد پر خارج کر دی۔
پی ٹی آئی کا 32 ارکان سے لاتعلقی کا اعلان
درخواست پر سماعت چیف جسٹس عالیہ نیلم کے روبرو ہوئی، تاہم عمران خان کی جانب سے کوئی وکیل عدالت میں پیش نہیں ہوا۔
دوران سماعت عدالت نے پنجاب حکومت کے وکیل سے استفسار کیا کہ عمران خان کے خلاف کتنے مقدمات درج ہیں، جس پر وکیل نے بتایا کہ ان پر مجموعی طور پر 107 مقدمات درج ہیں۔
یاد رہے کہ یہ درخواست 2023 میں دائر کی گئی تھی، جس میں مؤقف اختیار کیا گیا تھا کہ پنجاب کے مختلف شہروں میں درج تمام مقدمات کو یکجا کیا جائے۔
