ایپل کا آئی فون ائیر فلاپ؟ کمپنی کا پیداوار 80 فیصد کم کرنے کا فیصلہ

ٹیکنالوجی کی معروف کمپنی ایپل نے اپنے نئے ماڈل آئی فون ائیر کی کمزور مانگ کے باعث آئندہ برس اس کی پیداوار میں کمی کا فیصلہ کیا ہے۔

رواں برس ستمبر میں ایپل نے انتہائی پتلے ڈیزائن کے ساتھ آئی فون ائیر متعارف کرایا تھا، جو محض 5.6 ملی میٹر موٹا ہے اور کمپنی کی تاریخ کا سب سے سلم ماڈل قرار دیا گیا۔
یورپی یونین کے قانون کی خلاف ورزی، انسٹاگرام و فیس بک مشکل میں

اگرچہ آئی فون ائیر نے لانچ کے وقت کافی توجہ حاصل کی تھی، تاہم پہلی سہ ماہی میں مانگ کم ہونے کے باعث کمپنی نے اس کی پیداوار محدود کرنے کا منصوبہ بنایا ہے۔

میڈیا رپورٹس کے مطابق ایپل کے تجزیہ کار منگ چی کیو نے بتایا کہ آئی فون ائیر کی طلب میں نمایاں کمی کے بعد کمپنی 2026 کی پہلی سہ ماہی تک اس ماڈل کی تیاری میں 80 فیصد کمی کرنے جا رہی ہے۔

رپورٹ کے مطابق آئی فون ائیر کے کئی پرزے ایسے ہیں جن کی تیاری اور فراہمی میں زیادہ وقت درکار ہوتا ہے، اسی وجہ سے ایپل 2025 کے آخر تک ان پرزوں کی فراہمی کا عمل بھی بند کرنے کا ارادہ رکھتی ہے۔