خیبر پختونخوا بلٹ پروف گاڑیاں نہیں لے رہا تو ہمیں دے دیں وزیراعلیٰ بلوچستان

کوئٹہ: پولیس کی بلٹ پروف گاڑیوں پر وفاق اور خیبرپختونخوا کے تنازع میں بلوچستان حکومت بھی شامل ہو گئی۔

وزیراعلیٰ بلوچستان نے کہا کہ خیبرپختونخوا کی طرح بلوچستان بھی دہشتگردی سے متاثر ہے، اس لیے وزیر داخلہ محسن نقوی سے درخواست ہے کہ اگر کے پی حکومت بلٹ پروف گاڑیاں نہیں لے رہی تو یہ گاڑیاں بلوچستان کو فراہم کی جائیں۔
خیبرپختونخوا کابینہ میں غیرمنتخب افراد کی شمولیت پر ارکان اسمبلی نے احتجاج کی دھمکی

وزیراعلیٰ کا کہنا تھا کہ بلوچستان کو دہشتگردی کے خلاف مؤثر اقدامات کے لیے اضافی حفاظتی سامان کی ضرورت ہے۔

واضح رہے کہ وفاقی وزارت داخلہ نے خیبرپختونخوا پولیس کے لیے بلٹ پروف گاڑیاں آئی جی کے پی کو فراہم کی تھیں، تاہم وزیراعلیٰ خیبرپختونخوا سہیل آفریدی نے ان گاڑیوں کو ناقص قرار دے کر واپس کرنے کی ہدایت کی ہے۔