اسلام آباد (نیوزڈیسک)ڈی جی ایف آئی اے احمد اسحاق جہانگیر اور گورنر اسٹیٹ بینک آف پاکستان جمیل احمد کے درمیان اہم ملاقات ہوئی۔
ملاقات میں کریپٹو کرنسی اور غیر قانونی منی ٹرانسفرز پر تبادلہ خیال کیا گیا ۔
ملاقات میں مختلف اہم امور پر تبادلہ خیال کیا گیا۔
ملاقات کا مقصد مالیاتی جرائم کی روک تھام اور کرپٹو کرنسی کے ضوابط کے حوالے سے مشترکہ حکمت عملی تیار کرنا تھا۔
ڈائریکٹر جنرل ایف آئی اے نے کرپٹو کرنسی ٹرانزیکشنز میں تیزی سے اضافے پر تشویش کا اظہار کیا۔
ڈی جی ایف آئی اے نے کہاکہ کرپٹو کرنسی کی تجارت کو غیر قانونی قرار دینے کے لیے واضح پالیسی کی ضرورت ہے۔
انہوں نے کہاکہ اسٹیٹ بینک سے اہم معلومات کی فراہمی غیر قانونی منی ویلیو ٹرانسفرز کی روک تھام میں مددگار ثابت ہو سکتی ہے۔ ملاقات میں اسٹیٹ بینک آف پاکستان سے فوکل پرسن کی تقرری کو زیر غور لایا گیا
ان کا کہنا تھا کہ فوکل پرسن کرنسی ایکسچینج کمپنیوں کے خلاف فوری کارروائی کے لیے اجازت فراہم کرنے اور دیگر معاملات پر مزید رابطے میں معاونت کرے گا۔
ایف آئی اے کے کیسز میں ضبط شدہ رقم جمع کرنے کے لیے اسٹیٹ بینک آف پاکستان میں اکاؤنٹ کھولنے کے لیے مشترکہ ایس او پی جاری کرنے کی تجویز بھی زیر غور لائی گئی۔
