عالمی میڈیا کی رپورٹس کے مطابق چینی صدر شی جن پنگ نے فوری اور جامع جنگ بندی کی ضرورت پر زور دیتے ہوئے کہا ہے کہ تمام تنازعات کو سیاسی اور سفارتی ذرائع کے ذریعے حل کیا جانا چاہیے۔
آج ہم سب کو اقبال کے پیغام پر عمل پیرا ہونے کی ضرورت ہے: محسن نقوی
انہوں نے کہا کہ موجودہ عالمی حالات میں کشیدگی میں کمی ناگزیر ہو چکی ہے، اور متعلقہ فریقین کو طاقت کے استعمال سے گریز کرتے ہوئے مذاکرات کا راستہ اپنانا چاہیے۔
شی جن پنگ نے اس بات پر بھی زور دیا کہ پائیدار امن کے قیام کے لیے بات چیت، باہمی احترام اور سفارتی کوششیں بنیادی اہمیت رکھتی ہیں، جبکہ عالمی برادری کو بھی تنازعات کے حل میں مثبت اور تعمیری کردار ادا کرنا چاہیے۔
انہوں نے کہا کہ عالمی توانائی اور تجارت کے لیے نہایت اہم گزرگاہ آبنائے ہرمز میں بحری آمد و رفت کو ہر صورت معمول کے مطابق برقرار رکھا جانا چاہیے۔ ان کا کہنا تھا کہ اس اہم سمندری راستے میں کسی بھی قسم کی رکاوٹ نہ صرف خطے بلکہ عالمی معیشت کو بھی متاثر کر سکتی ہے، کیونکہ دنیا میں تیل کی بڑی مقدار اسی راستے سے منتقل کی جاتی ہے۔
چینی صدر نے مزید کہا کہ متعلقہ فریقین کو صبر و تحمل کا مظاہرہ کرتے ہوئے کشیدگی سے بچنا چاہیے اور بین الاقوامی قوانین کے تحت جہاز رانی کی آزادی کو یقینی بنانا ضروری ہے۔
