*ایپل نے آئی فون ایکس اور 2018 کا 15 انچ میک بک پرو ناکارہ قرار دے دیا*
ایپل نے باضابطہ طور پر اپنے مشہور آئی فون ایکس اور 2018 کے 15 انچ میک بک پرو کو "پرانی اور ناکارہ” پروڈکٹس کی لسٹ میں شامل کر دیا ہے۔ اب کمپنی ان دونوں ڈیوائسز کی آفیشیل مرمت یا پرزے فراہم نہیں کرے گی۔
آئی فون ایکس کو 2017 میں لانچ کیا گیا تھا۔ یہ ایپل کی تاریخ کا ایک اہم ماڈل ہے کیونکہ اس میں پہلی بار فیس آئی ڈی، ہوم بٹن کے بغیر فل اسکرین ڈیزائن اور ایج ٹو ایج او ایل ای ڈی ڈسپلے دیا گیا تھا۔ لانچ کے تقریباً 9 سال بعد اب اسے ناکارہ قرار دیا گیا ہے۔
*اس کا صارفین پر کیا اثر پڑے گا؟*
1. اگر آپ اب بھی آئی فون ایکس استعمال کر رہے ہیں تو گھبرانے کی بات نہیں۔ فون ویسے ہی چلے گا۔ بس اگر ہارڈویئر خراب ہو گیا تو ایپل یا اس کے منظور شدہ دکاندار اسے ٹھیک نہیں کریں گے۔
2. ایپل کی پالیسی کے مطابق فروخت بند ہونے کے 7 سال بعد کوئی پروڈکٹ "ناکارہ” ہو جاتی ہے۔ اس کا مطلب ہے کہ کمپنی اس کے نئے پرزے آرڈر نہیں کر سکتی۔
3. آئی فون ایکس کے لیے سافٹ ویئر اپ ڈیٹس بھی بند ہو چکی ہیں۔ یہ اس کی آخری اپ ڈیٹ تھی۔
4. 2018 کے میک بک پرو کے ساتھ بھی یہی معاملہ ہے۔ البتہ بیٹری کی ایک رعایت ہے۔ کمپنی کے مطابق میک کی بیٹری آخری بار فروخت ہونے کے 10 سال تک تبدیل ہو سکتی ہے، اگر سٹاک میں موجود ہو۔
*سادہ الفاظ میں:*
آپ کی ڈیوائس بند نہیں ہوگی۔ لیکن اب کسی مسئلے کی صورت میں آپ کو ایپل سٹور کے بجائے باہر کے عام موبائل/لیپ ٹاپ دکاندار سے مرمت کروانی ہوگی۔
