ترجمان دفتر خارجہ نے بتایا ہے کہ اسحاق ڈار اور اقوام متحدہ کے سیکرٹری جنرل کے درمیان گفتگو کے دوران علاقائی صورتحال پر تبادلہ خیال کیا گیا۔
گفتگو کے دوران دونوں رہنماؤں نے پاکستان کی سفارتی کوششوں اور مختلف رابطوں پر تفصیلی بات چیت کی۔ اقوام متحدہ کی جانب سے پاکستان کے تعمیری کردار پر اطمینان کا اظہار کیا گیا۔
ترجمان دفتر خارجہ کے مطابق عالمی برادری نے پاکستان کی کوششوں کی مکمل حمایت کا اعادہ کیا ہے۔
اقوام متحدہ کے سیکرٹری جنرل نے خطے میں امن و استحکام کے لیے پاکستان کے کردار کو سراہا اور پاکستان کی جاری سفارتی کاوشوں کی مکمل حمایت کا بھی اعلان کیا۔
