**سندھ حکومت نے کسانوں کے لیے 12 ارب روپے کی یوریا سبسڈی کا اعلان کر دیا**
**کراچی:** وزیر زراعت سندھ سردار محمد بخش مہر نے اعلان کیا ہے کہ صوبائی حکومت نے ‘سندھ ویٹ گروورز سپورٹ پروگرام’ کے تحت گندم کے تصدیق شدہ کسانوں کو یوریا کھاد پر سبسڈی فراہم کرنے کا فیصلہ کیا ہے۔
گاڑیوں میں ہر قسم کی تیز لائٹس کے استعمال پر پابندی عائد
تفصیلات کے مطابق، سبسڈی کی ادائیگیاں **2 فروری 2026 (پیر) سے** شروع ہوں گی۔ محکمہ زراعت نے دوسرے مرحلے کے لیے **12 ارب روپے سے زائد** کی رقم سندھ بینک کو جاری کر دی ہے۔
اس اقدام کے تحت، **2 لاکھ 12 ہزار 171** تصدیق شدہ کسانوں کو فائدہ پہنچے گا۔ ان کسانوں کی تفصیلی فہرست بھی سندھ بینک کو ارسال کر دی گئی ہے۔
وزیر زراعت کے مطابق، گندم کے ہر تصدیق شدہ کسان کو **فی ایکڑ 8 ہزار روپے** کی سبسڈی سندھ بینک اور دیگر متعلقہ بینکوں کے ذریعے دی جائے گی۔
سردار محمد بخش مہر نے کہا کہ یہ اقدام چیئرمین پیپلز پارٹی بلاول بھٹو زرداری کی خصوصی ہدایت پر کیا گیا ہے، تاکہ گندم کاشتکاروں کی مالی مدد کی جا سکے اور زرعی پیداوار کو فروغ دیا جا سکے۔
