گورنر سندھ کامران خان ٹیسوری کی جانب سے نئے سال کی آمد کے موقع پر گورنر ہاؤس میں شاندار آتش بازی کا اہتمام کیا گیا۔ اس موقع پر گورنر سندھ نے پوری قوم کو نئے سال کی مبارکباد پیش کرتے ہوئے کہا کہ 2025 کا سال پاکستان میں عسکری، سفارتی اور معاشی بالادستی کا سال رہا ہے۔ سالِ نو کے موقع پر ملک بھر میں جشن منایا گیا اور مختلف شہروں میں آتش بازی کی گئی۔ گورنر سندھ نے اپنے بیان میں کہا کہ 2025 پاکستان میں ایس آئی ایف سی کی بالادستی کا سال رہا جس میں مرکزی کردار چیف آف ڈیفنس فورسز فیلڈ مارشل عاصم منیر نے ادا کیا۔
قومی اسمبلی میں اپوزیشن لیڈر کی تقرری میں بڑی رکاوٹ دور
ان کا مزید کہنا تھا کہ سال 2025 میں پاکستان عالمی سطح پر مرکزِ نگاہ رہا اور سال کے اختتام پر نوجوان کرکٹ ٹیم نے بھارت کو شکست دے کر خوشیوں کو دوبالا کر دیا۔ گورنر سندھ کے مطابق پاکستان نے انڈیا کو ہرا کر قوم کو جو تحفہ دیا ہے اسے ہمیشہ یاد رکھا جائے گا۔ اس موقع پر صدر مملکت اور وزیر اعظم نے بھی قوم کو نئے سال کی مبارکباد دی اور ملک کی ترقی و خوشحالی کے لیے دعائیں کیں۔
گورنر سندھ نے کہا کہ پوری قوم اپنی افواج کی شکر گزار ہے اور انہوں نے دعا کی کہ 2026 میں سازشی اور ملک دشمن عناصر کو شکست ہوگی اور وہ اپنے منطقی انجام کو پہنچ کر عبرت کا نشان بنیں گے۔ انہوں نے کراچی سمیت پورے سندھ کے عوام کا شکریہ ادا کیا جنہوں نے گورنر ہاؤس کے پروگراموں میں شرکت کر کے ان کا حوصلہ بڑھایا۔ کامران خان ٹیسوری نے عزم ظاہر کیا کہ 2026 میں عوامی خدمت اور ویلفیئر کے مزید بڑے پروگرام کیے جائیں گے اور گورنر ہاؤس کے دروازے عوام کے لیے بدستور کھلے رہیں گے۔
