اقوام متحدہ کی جنرل اسمبلی نے پاکستان کی پیش کردہ قرارداد اتفاق رائے سے منظور کر لی ہے۔ قرارداد میں حق خودارادیت کی اہمیت پر زور دیا گیا ہے اور کہا گیا ہے کہ غیر ملکی قبضے میں رہنے والی اقوام کو یہ حق دیے بغیر پائیدار امن ممکن نہیں۔
ڈکی بھائی کی جانب سے این سی سی آئی اے پر سنگین الزامات عائد
پاکستان کے نائب مستقل مندوب عثمان جدون نے اپنے خطاب میں واضح کیا کہ اقوام متحدہ کی قراردادوں میں مقبوضہ کشمیر کے عوام کا حق خودارادیت تسلیم کیا گیا ہے۔ انہوں نے کہا کہ کشمیر تنازعے کا منصفانہ حل جنوبی ایشیا میں پائیدار امن کے لیے مرکزی حیثیت رکھتا ہے۔
قرارداد میں فلسطینی عوام کے حق خودارادیت کی مسلسل نفی کو مشرق وسطیٰ میں امن کے حصول میں بڑی رکاوٹ قرار دیا گیا ہے۔ پاکستان نے اپنے موقف میں زور دے کر کہا کہ حق خودارادیت ایک ناقابل تنسیخ اور عالمگیر حق ہے جس کا احترام بین الاقوامی براداری کی ذمہ داری ہے۔
