کراچی کے جناح بین الاقوامی ہوائی اڈے پر ایک مسافر کا پاسپورٹ پھاڑے جانے کا واقعہ سامنے آیا ہے، جس کی تحقیقات میں ائیرلائن کے عملے کو قصوروار ٹھہرایا گیا ہے۔
تفصیلات کے مطابق، بیرون ملک روانہ ہونے والے مسافر کے پاسپورٹ کو عین پرواز سے پہلے پھاڑ دیا گیا تھا۔ پاکستان ائیرپورٹس اتھارٹی کی تحقیقات میں اس واقعے کی ذمہ داری نجی ائیرلائن کے کاؤنٹر اسٹاف پر عائد کی گئی ہے۔
پشاور، وزیراعلیٰ کے دورے کے بعد لیڈی ریڈنگ اسپتال کے ڈائریکٹرعہدے سے فارغ
تحقیقات کے مطابق، ہوائی اڈے پر ائیرلائن کے ملازم نے مسافر کے ساتھ پیش آنے والے تنازعے کے دوران یہ حرکت کی۔ واقعے کے بعد ہوائی اڈے کی انتظامیہ نے فوری تحقیقات شروع کی تھیں۔
ذرائع کے مطابق، ملوث عملے کے خلاف کارروائی کی جائے گی، جبکہ ائیرلائن انتظامیہ نے واقعے پر افسوس کا اظہار کرتے ہوئے مسافر سے معافی مانگی ہے۔
