وفاقی حکومت نے سونے کی درآمد اور برآمد پر عائد پابندی ختم کر دی ہے۔
اسلام آباد سے موصولہ اطلاعات کے مطابق وفاقی کابینہ کی منظوری کے بعد وزارتِ تجارت نے سونے کی درآمد اور برآمد پر پابندی ختم کرنے کا نوٹیفکیشن جاری کر دیا۔
وفاقی آئینی عدالت کی چاروں صوبوں میں رجسٹریاں قائم کرنے کا فیصلہ
نوٹیفکیشن کے مطابق سونے کی عالمی تجارت سے متعلق معطل شدہ ایس آر او بحال کر دیا گیا ہے۔ اس میں بتایا گیا ہے کہ وفاقی حکومت نے قیمتی دھاتوں اور زیورات کی درآمد و برآمد سے متعلق کچھ ترامیم کی ہیں، تاہم قیمتی دھاتوں اور زیورات کی درآمد و برآمد کا فریم ورک برقرار رہے گا اور یہ شفافیت اور خودکار نظام میں بہتری کے ساتھ جاری رہے گا۔
یاد رہے کہ اس سال مئی میں سونے کی ایکسپورٹ اور امپورٹ پر پابندی عائد کی گئی تھی۔ وزارتِ تجارت نے 6 مئی 2025 کو سونے کی تجارت منظم کرنے والا ایس آر او 60 روز کے لیے معطل کر دیا تھا۔
