وزیراعلیٰ خیبر پختونخوا سہیل آفریدی نے پشاور ایف سی ہیڈکوارٹرز پر دہشتگرد حملے کی مذمت کرتے ہوئے آئی جی سے واقعے کی فوری رپورٹ طلب کر لی ہے۔
وزیراعلیٰ نے کہا کہ سکیورٹی فورسز کے جوانوں نے بہادری سے بڑی تباہی کو روک لیا، اور اس قسم کے بزدلانہ حملے ہمارے حوصلے پست نہیں کر سکتے۔
ضلع خیبر کے مختلف علاقوں سے بھاری مقدار میں منشیات برآمد
سہیل آفریدی کا کہنا تھا کہ دہشتگردوں کا کوئی مذہب نہیں ہوتا، شہداء ہمارا فخر ہیں اور ان کا خون ہرگز رائیگاں نہیں جانے دیں گے۔ انہوں نے کہا کہ دہشتگرد حملے میں ملوث عناصر کو کیفرِ کردار تک پہنچایا جائے گا۔
انہوں نے مزید کہا کہ قیامِ امن اور دہشتگردی کے خاتمے کے لیے تمام وسائل بروئے کار لائے جائیں گے۔ خیبر پختونخوا حکومت پولیس اور قانون نافذ کرنے والے اداروں کے ساتھ کھڑی ہے۔ وزیر اعلیٰ نے زخمیوں کو فوری اور بہترین طبی سہولیات فراہم کرنے کی ہدایت بھی کی۔
