کراچی میں نیول چیف ایڈمرل نوید اشرف نے بتایا کہ 2026 میں چین کی ڈیزائن کردہ پہلی آبدوز پاک بحریہ میں شامل کر لی جائے گی۔
گورنر کےلیے 8،10 نام سامنے آرہے ہیں، یہ عہدہ میری جائیداد نہیں، فیصل کریم کنڈی
چینی سرکاری میڈیا کو دیے گئے انٹرویو میں انہوں نے کہا کہ پاکستان اور چین مصنوعی ذہانت، بغیر پائلٹ نظام اور الیکٹرانک وار فیئر کے شعبوں میں تعاون کو مزید فروغ دے رہے ہیں۔ ان کا کہنا تھا کہ چینی دفاعی ساز و سامان جدید اور قابلِ اعتماد ثابت ہوا ہے۔
ایڈمرل نوید اشرف نے بتایا کہ 5 ارب ڈالر مالیت کے 8 ہنگور کلاس آبدوزوں کے معاہدے کے تحت پہلی آبدوز 2026 میں پاک بحریہ کے بیڑے میں شامل ہو گی جبکہ باقی آبدوزیں 2028 تک مکمل طور پر بیڑے کا حصہ بن جائیں گی۔
انہوں نے مزید کہا کہ 4 آبدوزیں چین میں تیار کی جائیں گی جبکہ 4 پاکستان میں اسمبل ہوں گی تاکہ مقامی انجینئرنگ اور تکنیکی مہارت میں اضافہ ہو۔ ان کے مطابق یہ آبدوزیں بحیرۂ عرب اور بحرِ ہند میں پاکستان کی دفاعی اور نگرانی کی صلاحیت کو مزید مضبوط بنائیں گی۔
