لاہور(نیوز ڈیسک) پاکستان مسلم لیگ (ن) کے رہنما عطا تارڑ نے کہا ہے کہ آئین اور قانون کی دھجیاں اڑائی جارہی ہیں۔
لاہور میں میڈیا سے گفتگو کرتے ہوئے ان کا کہنا تھا کہ سپریم کورٹ نے معصوم کا لفظ استعمال کیا، آئین اور قانون کی دھجیاں اڑائی جارہی ہیں، پہلے گڈٹو سی یو اب معصوم کہا جارہا ہے۔
انہوں نے کہا کہ ایک لاڈلے کو جیل سے بھی مہم کی اجازت دی گئی، اس شخص نے پوری قوم کے سامنے سائفر لہرایا۔
عطا تارڑ کا کہنا تھا کہ ایک ہفتے سے لاڈلہ ازم کی نئی ٹرم استعمال کی جارہی ہے، لاڈلے کو لانچ کرنے کے لیے وزیراعظم کو ہٹایا جاتا ہے۔
