اسلام آباد(نیوزڈیسک)سابق سینئر بیوروکریٹ روئیداد خان اسلام آباد میں انتقال کرگئے۔
روئیداد خان کی نمازِ جنازہ بعد نمازِ ظہر اسلام آباد میں ادا کی جائے گی جس کے بعد انہیں ایچ الیون قبرستان میں سپردِ خاک کیا جائے گا۔
روئیدادخان 28 ستمبر 1923 کو مردان کے ایک گاؤں میں پیدا ہوئے تھے۔ وہ پاکستان کے سب سے سینئر بیوروکریٹ تھے، ان کی عمر 100 سال تھی، انہوں نے 1949 میں سول سروس جوائن کی تھی۔
وہ پاکستان کے کئی صدور اور وزرائے اعظم کے ساتھ اور کئی اہم اداروں میں کام کرچکے تھے۔
روئیداد خان نے چیف سیکریٹری سندھ و خیبرپختونخوا اور صدر و وزیراعظم کے مشیر سمیت اہم عہدوں پر بھی ذمہ داریاں انجام دیں۔
روئیداد خان نے 5 صدور اور 3 وزرائے اعظم کے ساتھ کام کیا۔ وہ 1971 میں جنرل یحییٰ خان کے دور میں سیکریٹری انفارمیشن تھے
روئیداد خان کی خود نوشت 1997 میں شائع ہوئی تھی۔
