ذرائع کے مطابق وزیر خزانہ اسحاق ڈار آئی ایم ایف سے بات چیت کے بعد وزیر اعظم شہباز شریف کو آگاہ کریں گے، آئی ایم ایف کی رضامندی سے پیٹرولیم مصنوعات کی قیمتوں میں کمی ہوگی۔
پیٹرولیم مصنوعات پر لیوی کی موجودہ شرح برقرار رکھ کر ریلیف دیا جائے گا۔ آئی ایم ایف نے وزیر خزانہ کی بات مانی تو پیٹرولیم مصنوعات کی قیمتیں کم کی جائیں گی۔
ذرائع کا کہنا ہے کہ پیٹرولیم مصنوعات پر لیوی کی موجودہ شرح کو برقرار رکھے جانے کا امکان ہے، آئی ایم ایف کے ساتھ حتمی بات کے بعد فیصلہ کیا جائے گا۔
پیٹرول پر اس وقت 37.42 روپے فی لیٹر لیوی عائد ہے۔ جنوری 2023 تک پیٹرول پر لیوی 50 روپے فی لیٹر تک بڑھائی جانی ہے۔
