نیشنل سائبر کرائم انویسٹی گیشن ایجنسی (این سی سی آئی اے) کی کارروائی کے دوران بھارتی خفیہ ایجنسی کے نیٹ ورک کے خلاف آپریشن میں دو ملزمان کو گرفتار کر لیا گیا۔
ترجمان این سی سی آئی اے کے مطابق گرفتار ملزمان حساس تنصیبات سے متعلق معلومات بیرون ملک منتقل کر رہے تھے۔ ان کے قبضے سے موبائل فونز اور مالی لین دین کے شواہد برآمد ہوئے، جب کہ فرانزک جانچ کے دوران مزید اہم ثبوت بھی حاصل کیے گئے ہیں۔
ترجمان نے بتایا کہ بھارتی نیٹ ورک کے دیگر کارندوں کی تلاش جاری ہے اور پاکستان کی ڈیجیٹل قومی سلامتی کے تحفظ کے لیے ہر سطح پر مؤثر اقدامات کیے جا رہے ہیں۔
