اسلام آباد ہائیکورٹ کے چیف جسٹس عامر فاروق نے عدالت کے ججز کی سنیارٹی تبدیل کرنے کے خلاف دائر درخواستوں کو مسترد کر دیا۔ اس حوالے سے آٹھ صفحات پر مشتمل تحریری فیصلہ جاری کر دیا گیا ہے۔
فیصلے کے مطابق جسٹس محسن اختر کیانی، جسٹس طارق جہانگیری، جسٹس بابر ستار، جسٹس سردار اعجاز اور جسٹس ثمن رفعت کی ریپریزنٹیشنز (درخواستیں) مسترد کر دی گئی ہیں۔
عدالتی فیصلے میں رجسٹرار کو ہدایت دی گئی ہے کہ فیصلے کی کاپی متعلقہ ججز کو ارسال کی جائے۔
