اگر آپ فلمیں دیکھنے کے شوقین ہیں اور ابھی تک ہالی وڈ کی مشہور فلم "دی سکستھ سینس” نہیں دیکھی، تو یہ بہترین وقت ہے کہ آپ اسے دیکھ لیں۔
یہ فلم 1999 میں ریلیز ہوئی اور اپنے اختتام کی وجہ سے آج بھی یادگار سمجھی جاتی ہے۔ ڈائریکٹر ایم نائٹ شیامالن نے اس فلم کے ذریعے دنیا بھر میں شہرت حاصل کی، اور اسے چھ آسکرز کے لیے نامزد بھی کیا گیا، جن میں بہترین فلم، بہترین ڈائریکٹر اور بہترین اوریجنل اسکرین پلے شامل تھے۔
فلم میں بروس ولز نے مرکزی کردار ادا کیا، جبکہ بچے کے کردار کو Haley Joel Osment نے یادگار بنایا۔ کہانی ماہر نفسیات مالکم کرو کے گرد گھومتی ہے، جو 9 سالہ مریض کول سیئر کا علاج کر رہا ہوتا ہے۔ علاج کے دوران مالکم کو پتا چلتا ہے کہ یہ بچہ مردہ لوگوں کو دیکھ سکتا ہے اور انہیں زندہ محسوس کر سکتا ہے۔ بچہ اپنی طاقت کو اچھے مقصد کے لیے استعمال کرتا ہے اور ایک بچی کو اپنی مرنی بہن جیسی تقدیر سے بچاتا ہے۔
پاکستان کی عالمی میدان میں بڑی فتح، بھارتی وفد عین وقت پر دستبردار
فلم کا اختتام ایک زوردار جھٹکے کے ساتھ ہوتا ہے جو دیکھنے والے کو طویل عرصے تک یاد رہتا ہے، اور یہی وجہ ہے کہ یہ فلم آج بھی مقبول ہے۔
والٹ ڈزنی کے اس وقت کے صدر ڈیوڈ ووگل نے عہدے داروں سے مشاورت کیے بغیر فلم کے حقوق ساڑھے 22 لاکھ ڈالر میں خرید لیے، جس پر بعد میں انہیں فارغ کر دیا گیا۔ بروس ولز نے یہ فلم ڈزنی اسٹوڈیوز کے ساتھ تین فلموں کے معاہدے کے تحت کی تھی۔ شوٹنگ کے دوران کچھ دلچسپ واقعات پیش آئے، جیسے بچے کے رونے کے سین میں اس کے والد نے بروس ولز کو زور سے چیخنے کے لیے کہا، جس سے کام ہو گیا۔ اداکارہ Toni Collette شوٹنگ کے دوران عجیب واقعات بیان کرتی تھیں، جیسے ہر روز مخصوص اوقات پر جاگنا اور نمبر دہرانا۔ بروس ولز لیفٹ ہینڈڈ ہیں، مگر اس فلم کے لیے انہوں نے دائیں ہاتھ سے لکھنا اور ڈرائنگ کرنا سیکھی۔
اس فلم نے دنیا بھر میں 67 کروڑ ڈالر سے زائد بزنس کیا اور سب سے زیادہ کمائی کرنے والی ہارر فلم بن گئی، جب تک یہ ریکارڈ 2017 میں فلم "اٹ” نے توڑا۔
یہ فلم دیکھنے کے بعد آپ کو یقیناً اس کے اختتام کا سرپرائز دیر تک یاد رہے گا۔
