نیلی آنکھوں والے بچے کی پیدائش کیلئے خاتون نے اپنی ہی آنکھیں تبدیل کروالیں

روس میں ایک خاتون نے نیلی آنکھوں والے بچے کی خواہش میں اپنی ہی آنکھوں کا رنگ تبدیل کروا لیا۔

مقامی میڈیا کے مطابق خاتون کا یقین تھا کہ اگر وہ آپریشن کے ذریعے نیلی آنکھوں والی بن جائیں تو ان کے بچے کی آنکھیں بھی نیلی ہوں گی۔
عدالت سے پی ٹی آئی وکلاکے وارنٹ گرفتاری جاری

اس مقصد کے لیے خاتون نے ایک غیر منظور شدہ کاسمیٹک سرجری کروائی، جس میں آئرس امپلانٹ کے ذریعے آنکھوں کا رنگ بدلا گیا۔

ماہرین نے اس عمل کو نہ صرف خطرناک بلکہ غیر سائنسی قرار دیا ہے۔ ان کا کہنا ہے کہ بچے کی آنکھوں کا رنگ جینیاتی عوامل پر منحصر ہوتا ہے، نہ کہ والدین کی سرجری یا بعد میں بدلی گئی جسمانی تبدیلیوں پر۔

ڈاکٹروں کے مطابق ایسی سرجری سے بینائی متاثر ہونے، کارنیا کو نقصان پہنچنے اور حتیٰ کہ اندھاپے تک کا خطرہ رہتا ہے۔

اس واقعے کے بعد روس میں کاسمیٹک سرجری کی سائنسی و اخلاقی حدود پر نئی بحث شروع ہو گئی ہے۔